தொழில்நுட்ப உலகம் கடந்த வாரம் ஒரு பார்வை(19-01-14 முதல் 25-01-14 வரை)

அலைபேசி தயாரிப்பு நிறுவனமான லாவா(lava) 2015 மார்ச் வாக்கில் தங்கள் நிறுவனத்தினை பில்லியன் டாலர் மதிப்புடையதாக மாற்ற வேண்டும் என திட்டம் வகுத்துள்ளது.

கூகுள் நிறுவனம் ஒரு நுண்ணறி contact lens -ஐ உருவாக்கி வருவதாக தகவல்கள் கசிந்துள்ளது.  இது, மனிதனின் இரத்த குளுக்கோஸ் அளவை தானாகவே குறிப்பிட்ட இடைவெளிகளில் பதிவுசெய்துகொள்ளும் என்று கூறப்படுகிறது.  இது மட்டும் சாத்தியப்பட்டால் சர்க்கரை வியாதியஸ்தர்களுக்கு ஒரு வரப்பிரசாதமாக அமையும்.

2014-ம் ஆண்டில் உலகளவில் நுண்ணறி அலைபேசி பயன்படுத்துபவர்களின் எண்ணிக்கை 1.75 பில்லியன் அளவிற்கு அதிகரிக்கும் என்று eMarketer எனும் நிறுவனம் தெரிவித்துள்ளது.

2013-ம் ஆண்டு செய்யப்பட்ட காப்புரிமைகளில் 6809 காப்புரிமைகளுடன் ஐபிஎம் நிறுவனம் தொடர்ந்து முன்னிநிலையில் உள்ளது.  இதைத் தொடர்ந்து சாம்சங், கேனான் போன்ற நிறுவனங்கள் உள்ளன.  கூகுள் நிறுவனம் 11வது இடத்தில் உள்ளது.

சீனா தனது சொந்தத் தயாரிப்பாக ஒரு புதிய அலைபேசி இயங்குதளத்தை வெளியிட்டுள்ளது. மேலும் இது ஆன்ட்ராய்டு, ஐபோன் போன்றவற்றைவிட அதிக பாதுக்காப்பானதாக இருக்கும் என்றும் அறிவிக்கப்பட்டுள்ளது.

மிகப் பிரபலமான அலைபேசி/உலாவி விளையாட்டான கேண்டி கிரஷ் விளையாட்டின் உருவாக்குனர்கள் கேண்டி என்கிற வார்த்தைக்கு காப்புரிமைப் பெற்றுவிட்டனர்.

அலைபேசி பேச்சு செயலியான வாட்ஸ்ஆப்(Whatsapp) தனது மாதாந்திர இயக்கத்திலுள்ள பயனர்களின் எண்ணிக்கை 450 மில்லியன் என்று அறிவித்துள்ளது.  மேலும், இதில் 35 மில்லியன் இந்திய பயனர்கள் ஆவர் என்பது குறிப்பிடத்ததக்கது.

புதிதாக நடத்தப்பட்ட நுகர்வோர் அனுபவத்தின் அடிப்படையிலான கணக்கெடுப்பின்(Consumer Experience Survey) அடிப்படையில் ஆப்பிள் நிறுவனம் மைக்ரோசாப்ட், சாம்சங், சோனி ஆகிய நிறுவனங்களுக்கு அடுத்து 4வது இடத்திற்கு தள்ளப்பட்டுள்ளது.

பெரிய நிறுவனங்கள், இணையதள பாதுகாப்பு(CyberSecurity) வல்லுனர்களின் எண்ணிக்கை போதுமான அளவில் இல்லாமல் தடுமாறிவருவதாக சிஸ்கோ நிறுவனம் அறிவித்துள்ளது.

2013-ம் ஆண்டின் மிக மோசமான 25 கடவுச்சொற்களாக mashable.com  அறிவித்துள்ள (Password) (மோசமாக என்றால் மற்றவர்கள் கடவுச்சொல்லை அறிந்துகொள்ளும் வகையில் அமைந்த) அறியப்பட்டுள்ளவற்றில் முதல் 10 இடங்களைப்பெற்றுள்ள கடவுச்சொற்கள்
1. 123456
2. password
3. 12345678
4. qwerty
5. abc123
6. 123456789
7. 111111
8. 1234567
9. iloveyou
10. adobe123

2 முதல் 10 வயதுள்ள குழந்தைகள் பயன்படுத்தும் வண்ணம் எடி(Eddy) என்கிற பெயரில் ஆன்ட்ராய்டு 4.2 உடன் கூடிய ஒரு பலகைக் கணினியை மெடிஸ்(Metis) என்கிற நிறுவனம் வெளியிட்டுள்ளது.

கூகுள் நிறுவனம் தனது பட்ஜெட் நுண்ணறி அலைபசியான மோட்டோ-ஜியை (Moto-G) வரும் பிப்ரவரியில் இந்தியாவில் அறிமுகப்படுத்தவுள்ளது.  விலை நிலவரம் சரியாக தெரியாவிட்டாலும் 11,000 ரூபாய் அளவில் இருக்கும் என நம்பப்படுகிறது.  இது ஆன்ட்ராய்டு கிட்கேட் பதிப்புடன் வருவுள்ளது.

2013-ம் ஆண்டு அலைபேசிகளை குறிவைத்து உருவாக்கப்பட்ட மால்வேர்களில் 99% ஆன்ட்ராய்டு அலைபேசிகளையே கருத்தில்கொண்டு உருவாக்கப்பட்டுள்ளதாக சிஸ்கோவின் அறிக்கை தெரிவிக்கிறது.


தொழில்நுட்ப உலகம் கடந்த வாரம் ஒரு பார்வை முந்தைய வாரப் பதிவு

தொழில்நுட்ப உலகம் கடந்த வாரம் ஒரு பார்வை(12-01-14 முதல் 18-01-14 வரை)

அமெரிக்காவின் லாஸ் வேகாஸில் நடந்த 2014-ம் ஆண்டுக்கான நுகர்வோர் மின்னணு சாதன காட்சியில்(2014 CES - Consumer Electronics Show) 2014-ம் ஆண்டு மிக அதிகம் விரும்பப்படும்(hottest இதை எப்படி தமிழ்படுத்துவதென்று தெரியவில்லை..) தொழில்நுட்ப போக்குகளாக (Techonology Trends) பின்வருவன குறிப்பிடப்பட்டுள்ளன.. 1. அணிகணினி 2. இணையத்தோடு இணைந்த பொருட்கள்(Internet Of Things) 3. (நுண்ணறி, எச்டி) தொலைக்காட்சிகள் 4. (நுண்ணறி) வாகனங்கள் 5. நுண்ணறிபேசிகள்(Smart Phones) 6. ரோபாட்டிக்ஸ்(Robotics) 7. டிரோன்கள்(Drones) - விமானியில்லாத (சிறு) விமானங்கள் 8. முப்பரிமாண அச்சுத் தொழில்நுட்பம் (3D printing) 9. நுண்ணறி வீடுகள் (Smart Homes) 10. நுண்ணுர்வு கணினியியல் (Intutive computing)

மைக்ரோசாஃப்ட் நிறுவனம் தனது விண்டோஸ் 9 -ன் உருவாக்கத்தை இந்த ஆண்டில் ஆரம்பித்து, 2015 ஏப்ரல் வாக்கில் வெளியிடவுள்ளதாக அறியப்படுகிறது.

மைக்ரோமேக்ஸ் நிறுவனம் தனது இரட்டை இயங்குதளங்களை உடைய லேட்டேபை $500 -க்கும் குறைந்த விலைக்கு சந்தையில் கொண்டுவர திட்டமிட்டுள்ளதாக தெரிகிறது.

காதொலிப்பான்(ear phone) மற்றும் தலையோடு காதொலிப்பான் (Head phone - சரியான தமிழாக்கம் தானா?) தயாரிப்பு நிறுவனமான பீட்ஸ்(Beats) தனது இசை ஒடை (Music Streaming) சேவையை இந்த ஜனவரி 21-ல் தொடங்கவிருக்கிறது.  இந்தச் சேவைக்கு ஏதுவான ஆன்டிராய்டு, ஐஓஎஸ் செயலிகளுக்கும், உலாவிகளுக்கும் ஆதரவோடு இருக்கும் என்று குறிப்பிடப்பட்டுள்ளது. 

ஃபேஸ்புக் நிறுவனம் நியுயார்க்கைச் சேர்ந்த ஒரு தொடக்க கால நிறுவனமான(Strart-up) பிரான்ச் என்கிற நிறுவனத்தை கையகப்படுத்தியுள்ளது.  இந்நிறுவனம் பல்வேறு சமூகவலைதளங்களில் பேச்சுக்கான பலவிதமான கருவிகளை உருவாக்கியுள்ளது.

கோடாடி(GoDaddy), மைக்ரோசாஃப்ட் நிறுவனத்துடன் இணைந்து சிறு வணிகர்களுக்கு ஆஃபிஸ் 365-ஐ தரவுள்ளதாக தகவல் வந்துள்ளது.

கூகுள் நிறுவனம் நுண்ணறி வெப்பநிலைநிறுத்தி(Smart Thermostat)
 மற்றும் புகை உணரி (Smoke Detector)
தயாரிப்பு நிறுவனமான நெஸ்ட்-ஐ (Nest) $3.2 மில்லியன் கொடுத்து கையகப்படுத்தவுள்ளது.

இணைய வணிக/விற்பனை நிறுவனமான ஈபே(EBay) தனது கட்டணம் செலுத்தும் சேவையை(Payment service) புதிதாக சீரமைத்துள்ளது.  இதன்மூலம், பயனர்கள் தங்கள் கட்டணத்தை பேபால் (PayPal) தளத்திற்கு செல்லாமல் தாங்கள் இருக்கம் தளத்திலிருந்தே செலுத்தலாம்.

வோடஃபோன் இந்தியா செயலிகளை உருவாக்கி விற்பதற்கான தளம் ஒன்றினை உருவாக்கியுள்ளது, இதன் மூலம் பெறப்படும் செயலிகளுக்கான தொகை அலைபேசி கட்டண ரசீதுடன் சேர்ந்து வரும்.

வெரிசான்(Verizon) மற்றும் ஆரக்கிள்(Oracle) நிறுவனங்கள் ஒன்றிணைந்து ஆரக்கிள் தரவுதளம் மற்றும் ஆரக்கிள் ஃபியூசன் மிடில்வேர் இரண்டையும் வெரிசான் மேகக்கணிமை வாயிலாக தர முடிவு செய்துள்ளன.

ஃபேஸ்புக் நிறுவனம் வரும் மாதத்தில் படிப்பான் (facebook reader) ஒன்றை அறிமுகப்படுத்தவுள்ளதாக தெரிகிறது.

ஆப்பிள், கூகுள் போன்ற தொழில்நுட்ப ஜாம்பவான்களைத் தொடர்ந்து தற்போது மைக்ரோசாஃப்ட் நிறுவனமும் பேச்சின் மூலம் தேடல் முறையை பிங் தேடுபொறியுடன் இவ்வருடத்தின் ஏப்ரல் மாதத்தில் இருந்து தரவுள்ளது.  மேலும், இவ்வசதியை அதன் அலைபேசிகளுக்கும் கொண்டுவரவுள்ளதாக அறியப்படுகிறது.

ரஷ்ய தேடுபொறியான யான்டெக்ஸ்(Yandex) (ரஷ்யாவில் கூகுளை விஞ்சி 60% தேடல் சந்தையை தன் வசம் வைத்துள்ளது, சீனாவிலும் இதே கதைதான் பெய்டு(Baidu) என்கிற சீன தேடுபொறிதான் அங்கும் ஆள்கிறது) ஃபேஸ்புக்கிடம் இருந்து தகவல்களைப் பெற்றுக்கொள்ள ஒப்பந்தம் செய்துகொண்டுள்ளது.

கூகுள் கடைசியாக மேற்கொண்ட கையகப்படுத்தல் நடவடிக்கையோடு(நெஸ்ட் நிறுவனத்தை 3.2 பில்லியன் டாலருக்கு கையகப்படுத்தியுள்ளது) கடந்த 2 ஆண்டுகளில் மேற்கொண்ட கையகப்படுத்தலின் மதிப்பு 17 பில்லியன் அமெரிக்க டாலர்களாகும்.  இது கூகுளின் முதல் 5 போட்டி நிறவனங்களும்(ஆப்பிள், மைக்ரோசாஃப்ட், ஃபேஸ்புக், அமேசான் யாஹூ) சேர்ந்து மேற்கொண்ட கையகப்படுத்தலைவிட மிக அதிகம் என புளும்பெர்க் நிறுவனம் (bloomberg) தெரிவித்துள்ளது.

கூகுள் தனது குரோம் உலாவியின் விண்டோஸ் பதிப்பை விண்டோஸ் 8 இயங்குதளத்திற்காக மேம்படுத்தியுள்ளது.

அலைபேசி செயலிகளின் பயன்பாடு 2013-ம் ஆண்டில் 115% அதிகரித்துள்ளதாக Flurry Analytics நிறுவனம் தெரிவித்துள்ளது.

டிவிட்டர் துணை நிறுவனர்களில் ஒருவரான பிஸ் ஸ்டோன்(Biz Stone) கேள்வி-பதில் அடிப்படையில் அமைந்த ஒரு சமூக வலைதளம் ஒன்றை ஜெல்லி(Jelly)

என்கிற பெயரில் உருவாக்கியுள்ளார். ஆண்ட்ராய்டு இயங்குதளத்திற்குப் பெற இங்கே சொடுக்கவும்


எச்பி நிறுவனம் 3G வசதி மற்றும் பேசும் வசதியுடன் கூடிய சிலேட்டு கணினிகளை இந்திய சந்தையில் அறிமுகப்படுத்தவுள்ளது.

கூகுள் நிறுவனம் இணைய பாதுகாப்பு தொடக்க நிறுவனமான(startup) இம்பீரியத்தை(Impermium) கையகப்படுத்தியுள்ளது

அலைபேசி செயலியான பாக்ஸ்(Box) தனது செயலியை ஐஓஎஸ் இயங்குதளத்தில் தரவிறக்கி பயன்படுத்துபவர்களுக்கு 50 ஜிபி மேக சேமிப்பகத்தை (cloud storage) இலவசமாக தருகிறது.
ஆன்ட்ராய்டு அலைபேசிகளுக்குப் பெற இங்கே சொடுக்கவும்,
ஐஓஎஸ் இயங்குதளத்திற்குப் பெற இங்கே சொடுக்கவும்

கூகுள் நிறுவனம் அலைபேசிகளில் செயல்படும் குரோம் உலாவிக்கு ஒரு புதிய மேம்பாட்டினை தரவுள்ளது.  இதன் மூலம் உலாவியைப் பயன்படுத்தும்போது ஏற்படும் தரவுப் பரிமாற்றம் 50% சதவீதம் அளவிற்கு குறையும் என்றும் தெரிவிக்கப்பட்டுள்ளது.

அலைபேசி பேச்சு செயலிகளில் ஒன்றான வீசாட் தற்போது அதன் இயங்குபரப்பிற்குள்ளாகவே விளையாடும் விளையாட்டுகள் சிலவற்றையும், இருப்பிடத்தை அறிந்த அதன்அடிப்படையில் வகைப்படுத்தப்பட்ட சேவைகளையும் தரவுள்ளது(ஆஸ்க்மீ - Askme நிறுவனத்துடன் இணைந்து).  இதன்மூலம் வாட்ஸ்ஆப் போன்ற செயலிகளுக்கு ஒரு உறுதியான சவாலாக மாறவுள்ளது.

தொழில்நுட்ப உலகம் கடந்த வாரம் ஒரு பார்வை முந்தைய வாரப் பதிவு

ஜெயகாந்தன் "அழகு" என்பதற்குத் தரும் விளக்கம்...

ஒன்றின் நினைவே சுகமளிக்கிறது என்றால்.... அது நிச்சயம் மிகவும் அழகாகத்தான் இருக்க வேண்டும்.   [அக்ரஸாரத்தில் பூனை கதையில் - ஜெயகாந்தன்]

தொழில்நுட்ப உலகம் கடந்த வாரம் ஒரு பார்வை(05-01-14 முதல் 11-01-14 வரை)

இன்டெக்ஸ் நிறுவனம் இந்தியாவில் முதன் முதலாக octa-core (octa - எட்டு) அலைபேசியை அக்வா ஆக்டா(Aqua Octa) என்ற பெயரில் வெளியிடவுள்ளது.  இதன் விலை இந்திய ரூபாயில் சுமார் 20,000 ஆகும்.

இணையதள பாதுகாப்பு நிறுவனங்கள் யாஹூ மெயில் பயனர்கள் மால்வேர் தாக்குதலுக்கு உள்ளாகியிருப்பதாக தெரிவித்துள்ளன.

இன்டெல் நிறுவனம் எடிசன் என்கிற பெயரில் நினைவு சிப்(SD Card) அளவுடைய  கணினிகளை உருவாக்கியுள்ளது.  மேலும், இது குவார்க் (Quark) புராசசரில் இயங்கும் என்றும் தெரிவிக்கப்பட்டுள்ளது.

இன்டெல் நிறுவனம் அணிகணினி (Wearable computing devices) தயாரிப்பில் பெரியதொரு பங்கினை தரவிருப்பதாக தெரிவித்துள்ளது.

மைக்ரோசாப்டின் தலைமைச் செயல் அதிகாரிப் பதவிக்கானப் போட்டியிலிருந்து போர்டு நிறவனத்தின் முல்லாலே விலகியுள்ளார்.

யாஹூ நிறுவனத்தின் தலைமைச் செயலதிகாரியான மரிசா மேயர் யாஹூவின் பயனர்களில் (கிட்டத்தட்ட 800 மில்லியன் பயனர்கள்) யாஹூவை தங்கள் அலைபேசிகள் மூலம் அணுகுவதாக தெரிவித்துள்ளார்.

கணினி, பலகைக்கணினி (அ) சிலேட்டு கணினி, நுண்ணிறி அலைபேசிகள், அலைபேசிகள் ஆகியவற்றின் ஒட்டுமொத்த விற்பனை/ஏற்றுமதி 2014-ம் ஆண்டில் 7.6 % அதிகரிக்கும் என்று கார்ட்னர் நிறுவனம் தெரிவித்துள்ளது.

பேனாசோனிக் நிறுவனம் 4K கணினித்திரை பிரிதிறன் (Resolution) உடைய அணித்துகொள்ளக்கூடிய நிகழ்பட பதிவுக்கருவியை(Video Recorder) அறிமுகப்படுத்தவுள்ளது.

இந்தியாவின் மைக்ரோமேக்ஸ் நிறுவனம் லேப் டேப்(லேப்டாப் அல்ல - Lap Tab) என்று புதிய மின்ணணு சாதனத்தை அறிமுகப்படுத்தியுள்ளது.  இதன் சிறப்பம்சமாக இதில் விண்டோஸ் மற்றும் ஆன்ட்ராய்டு இயங்குதளங்கள் நிறவப்பட்டுள்ளதோடு விசைப்பலகையையும் பயன்படுத்திக்கொள்ளலாம்.  இது பிப்ரவரியில் விற்பனைக்கு வரும் என்று எதிர்பார்க்கப்படுகிறது.

இன்போசிஸ் நிறுவனம் பெங்களூருவில் உள்ள எஸ்ஸார் குழுமத்தின் தகவல் தொழில் நுட்பப் பூங்காவை 115 கோடி ரூபாய்க்கு வாங்கியுள்ளது.

கூகுள் நிறுவனம் கார் தயாரிப்பு நிறுவனங்களான ஆடி, ஜெனரல் மோட்டார்ஸ், ஹோண்டா போன்றவற்றுடன் இணைந்து ஆன்ட்ராய்டுடன் கூடிய கார் தயாரிப்புக்கான கூட்டு ஒப்பந்தத்தில் ஈடுபட்டுள்ளது.

62% அலைபேசி செயலி உருவாக்குனர்கள் ஆன்ட்ராய்டு இயங்குதளத்தையே தங்கள் முதல் முன்னுரிமையாக கொள்கிறார்கள் என அறியப்படுகிறது.


தொழில்நுட்ப உலகம் கடந்த வாரம் ஒரு பார்வை முந்தைய வாரப் பதிவு

காதல் கணக்கு

 என் கல்லூரிக் காலத்தில்
கணக்கு நோட்டில்
 நான்
கணக்கெழுதியதை விட
 காதல்
கவிதைகள் எழுதியதுதான்
 அதிகம்
எனக்கு கணக்கு
 வரவில்லையென்று
போராசிரியருக்கு புரிந்துவிட்டது
  ஆனால்
காதல் வந்துவிட்டதென்று
 என் பேரழகி
உனக்குதான் புரியவில்லை.

தொழில்நுட்ப உலகம் கடந்த வாரம் ஒரு பார்வை(29-12-13 முதல் 04-01-13வரை)

மோட்டோராலா நிறுவனம் தனது மோட்டோ ஜி (Moto G) வகை நுண்ணறி அலைபேசிகளை இந்த ஜனவரி 2014 வாக்கில் இந்தியாவில் அறிமுகப்படுத்தவுள்ளது.

மத்திய அமைச்சர் திரு. மனீஷ் திவாரி 1000 கிராம பஞ்சாயத்துகள் வை-பை தொடர்பைப் பெறவுள்ளதாக அறிவித்துள்ளார்.

தகவல் தொழில்நுட்பத்துறை 2014-ம் ஆண்டில் மிக அதிகமான வேலைவாய்ப்புகளை உருவாக்க உள்ளதாக அசோசெம் (Assocham - Associated chambers of Commerce and industry of india) தெரிவித்துள்ளது.

சாம்சங் நிறுவனம் 110 இன்ச் அளவுள்ள அல்ட்ரா எச்டி (ultra HD TV) தொலைக்காட்சிப் பெட்டிகளை அமெரிக்க டாலர் 150,000 -க்கு விற்பனை செய்ய உள்ளது.

கூகுளும், ஆடி மகிழ்வுந்து தயாரிப்பு நிறுவனமும் இணைந்து காருக்குள் இயங்கும் ஒரு ஆன்ட்ராய்டு இயங்குதள அமைப்பை உருவாக்க உள்ளது.

சாம்சங் நிறுவனம் உலகத்திலேயே முதன் முறையாக அலைபேசிகளில் பயன்படும் 4 GB கொள்ளளவு உடைய ராம்(RAM) நினைவகத்தை உருவாக்கியுள்ளது

இந்தியா மார்ச் 2014 வாக்கில் 155 மில்லியன் இணையப் பயனர்களைக் கொண்டிருக்கும் என ஐஏஎம்ஏஐ(IAMAI - Internet and mobile association of india) தெரிவித்துள்ளது

இந்தியாவின் சுற்றுலாத்துறையின் பெருமைகளை எடுத்தியம்பும் இன்கிரிடிபிள் இந்தியா(Incridible India) இணையதளம் தற்போது 11 இந்திய மொழிகளில் கிடைக்கிறது.

சோனி நிறுவனம் விண்டோஸ் இயங்குதளத்துடன் கூடிய நுண்ணறிபேசியை உருவாக்கவுள்ளதாக தெரிகிறது.

கடந்த ஆண்டில் மிகப்பெரிய ஹிட் அடித்த அலைபேசிச் செயலியான ஸ்னாப்சேட் (Snapchat) -ன் தரவுதளத்திலிருந்து கொந்தர்களால் கிட்டத்தட்ட 4.6 மில்லியன் பயனர்களின் பயனர்பெயர் மற்றும் அலைபேசி எண்கள் களவாடப்பட்டது

இந்தமுறை தனது வளாக நேர்காணலில் 1000 பேருக்கு வேலை வாய்ப்பை ஏற்படுத்தி தந்து ஐஐடி காரக்பூர் சாதனை படைத்துள்ளது.

சிடாக் உருவாக்கிய பரம் யுவா II மீகணினி உலகின் மிகக் சிறந்த மின் பயன்படுத்து வினைத்திறமையுடைய (குறைந்த மின்சாரத்தில் அதிக வேலை அ-து வேலை/மின்சாரம்) கணினிகளில் ஒன்றாக தேர்ந்தெடுக்கப் பட்டுள்ளது.  இந்தியாவில் முதலாவது இடத்தையும், ஆசிய அளவில் 9-வது இடத்தையும், உலகளவில் 44-வது இடத்தையும் பெற்றுள்ளது.

நேபாளம் தனது நாடு முழுவதுமாக வை-பை(WiFi) இணைப்பை இலவசமாக தரவுள்ளதாக அறிவித்துள்ளது.

நோக்கியா நிறுவனம்(தற்போது மைக்ரோசாப்ட்-ஆல் கையகப்படுத்தப்பட்டுவிட்டது) தனது சிம்பியன்(Symbian) மற்றும் மீகோ(MeeGo) ஆகிய 2 அலைபேசி இயங்குதளங்களுக்கான (இவ்வியங்குதளத்தில் இயங்கும் அலைபேசிச் செயலிகளுக்கான) ஆதரவை நிறுத்திவிட்டது.  மைக்ரோசாப்டின் அலைபேசி விண்டோஸ் இயங்குதளத்தை வளர்ச்சிப்பாதையில் இட்டுச்செல்லவே இம்முடிவு எடுக்கப்பட்டுள்ளதாக அறியப்படுகிறது.

தொழில்நுட்ப உலகம் கடந்த வாரம் ஒரு பார்வை முந்தைய வாரப் பதிவு